Британия «Челси»ни сотишдан тушган пулларни Украинадан ташқарида ишлатишни тақиқлади
«Челси»ни сотишдан олдин Британия расмийлари ва клубнинг собиқ эгаси Роман Абрамович ўртасида келишувга эришилган
Уруш қурбонлари жамғармаси раҳбари Майк Пенроузнинг сўзларига кўра, «Челси»ни сотишдан олдин Британия ҳукумати расмийлари ва клубнинг собиқ эгаси Роман Абрамович ўртасида келишувга эришилган бўлиб, унга кўра жамғарма тушган маблағни «Украинадаги барча уруш қурбонларига» ёрдам бериш учун ишлатиши керак.
Клуб сотилганидан бир йил ўтиб, Пенроузнинг таъкидлашича, Буюк Британия ҳукумати янги шарт қўйган, унга кўра, фонд ўз фаолиятини «Украинанинг географик чегаралари» билан чеклаган тақдирдагина пул олади. Маълум қилинишичам жамғарма бу шартга рози эмас, чунки улар мавжуд маблағлар турли мамлакатлардаги, шу жумладан Буюк Британиядаги украиналик қочқинларга ёрдам бериш учун йўналтирилиши керак, деб ҳисоблашади.
«Бундай катта миқдордаги пул билан - тахминан 2,35 миллиард фунт стерлинг - қаерда яшашларидан қатъи назар, энг заифларга ёрдам бермаслик ғояси деярли уятсиз. Ҳукуматдан бизни барча украиналиклар, жамоалар ва уларни қабул қилган одамларга ёрдам бериш имкониятини чеклайдиган сиёсий шартлар қўймасдан бизга маблағ билан таъминлашни сўраймиз», — деди у.
Пенроузнинг таъкидлашича, Буюк Британия расмийлари фонднинг Россия ва Беларус, шунингдек, ушбу мамлакатлар ҳукуматлари билан алоқадор бўлиши мумкин бўлган ташкилотлар билан ҳамкорлигига қарши, чунки улар санкциялар шу тарзда бузилиши мумкинлигидан қўрқишади.
Маълумот учун, 2022 йилнинг март ойида Роман Абрамович 2003 йилдан бери эгалик қилиб келаётган «Челси» футбол клубини сотишини эълон қилган эди. Натижада май ойида клубни америкалик тадбиркор сотиб олган эди.
