Бундан буён ҳоким ёрдамчиcи камбағалликни қисқартиришга жавоб беради
Президент маҳалладаги янги лавозимлар фаолиятига тўхталди.
Республикадаги айни пайтдаги 9 минг 309 та маҳалла раисининг хотин-қизлар ва оила бўйича ўринбосарлари лавозимлари янги ташкил этилган Оила ва хотин-қизлар қўмитаси тизимига ўтказилади ва ҳар бир маҳаллада хотин-қизлар фаоли лавозими янгидан жорий қилинади. Бу ҳақда “Янги Ўзбекистон” хабар бермоқда.
Ҳоким ёрдамчилари ва ёшлар етакчилари қандай конкурс билан танланган бўлса, маҳаллалардаги хотин-қизлар фаоллари ҳам шундай очиқ конкурс асосида, тажрибали, обрў-эътиборли, тадбиркор аёллар орасидан лавозимига қўйилади.
Яъни, маҳаллада энди яхлит тизим ташкил этилади.
Бундан буён:
– ҳоким ёрдамчиси камбағалликни қисқартириш ва янги иш ўринлари яратишга;
– ёшлар етакчиси ёшлар сиёсати ва ёшлар балансига;
– хотин-қизлар бўйича масъул эса, аёллар масаласи ва уларнинг дарду-ташвиши ишлашга жавоб беради.
Ушбу 3 та йўналиш бўйича, уларнинг аниқ молиявий маблағлари бўлади.
