Бутун дунё Украинага ёрдам беришга кечикди — Зеленский
Украина раҳбари жаҳон ҳамжамиятини қатъияцизликда айблади.
Украина президенти Владимир Зеленский хорижий оммавий ахборот воситалари вакиллари билан суҳбатлашди.
Америкалик мухбирнинг Россия босқинчилиги фонида АҚШ президенти Украинага ёрдам беришда кечикдими, деган саволига жавоб берар экан, бутун дунё Украинага ёрдам беришга кеч қолганини айтди.
"Гап нафақат президент Байденда, балки бутун дунёнинг қатъиятсизлигида. Украина учун бутун дунё кечикди.Дунёнинг барча майдонларида нима бўлаётганини кўриб турибсиз. Одамлар чиқиб, Украинани қўллаб-қувватламоқда", — дейди Зеленский.
Шу билан бирга Зеленский АҚШ президенти Жозеф Байден билан сўнгги суҳбатни ижобий деб атади.
Эслатиб ўтамиз, аввалроқ Украина президенти Владимир Зеленский Россия президенти Владимир Путинга музокаралар столига ўтиришни сўраб мурожаат қилгани хабар қилинганди.
