Бухорода тупроқ босиб, вафот этган ишчиларнинг иккиси ҳам ёш бўлган
Уларнинг бири 21, иккинчиси эса 22 ёшли йигитлар экани аниқланди.
Аввалроқ Бухорода "61-Автокорхона”нинг икки нафар ишчисини тупроқ ва қум босиб қолиши ҳақида хабар берган эдик.
Вилоят ИИБ ахборот хизмати мазкур ҳолат юзасидан қўшимча маълумот тақдим этди.
Маълум бўлишича, ҳодиса содир бўлган жойга чиққан Бухоро вилояти Ички ишлар ҳамда Фавқулодда вазиятлар бошқармалари, Когон шаҳар прокуратураси, вилоят ИИБ ва Когон шаҳар ИИБ масъул раҳбар ва ходимларидан иборат таркибда тергов-тезкор гуруҳи томонидан ҳолат тегишли тартибда расмийлаштирилган.
Қайд этилишича, ҳалок бўлган фуқароларнинг бири 21 ёшда, иккинчиси эса 22 ёшда бўлган.
Жабрланувчиларнинг жасадлари вилоят ФВБ ходимлари томонидан қум уюми остидан олиб чиқилиб, суд-тиббий экспертиза кўригидан ўтказилган.
Мазкур ҳолат юзасидан ИИБ ҳузуридаги Тергов бошқармаси томонидан ЖКнинг 257-моддаси 2-қисми "а" банди билан жиноят иши қўзғатилиб, дастлабки тергов ҳаракатлари олиб борилмоқда.
Эслатиб ўтамиз, аввалроқ Бухородаги бинолар қум бўронига дош беролмагани, Чирчиқ дарёси ўртасида қолиб кетган 5 нафар фуқаро қутқарилгани ҳамда Хоразмда 82 ёшли онахон каналга тушиб кетгани ҳақида хабар берилганди.
