Буюк Британия “Chelsi”ни сотиш учун пул талаб қилмоқчи

Буюк Британия ҳукумати ва Роман Абрамович ўртасида “Chelsi” клубини сотишдан тушган пулларни қандай тақсимлаш бўйича баҳс давом этмоқда. 2022 йилда Абрамович Россияга қўйилган санкциялар сабаб клубни сотишга мажбур бўлди ва тахминан 2,7 миллиард евро маблағ Украина уруш қурбонларига ёрдам беришга йўналтирилиши керак эди. Аммо орадан уч йил ўтган бўлсада, маблағлар ҳанузгача Буюк Британия банкларида музлатилган ҳолда қолмоқда.

 

Ҳозирча бу маблағлардан фақат кичик бир қисми ҳуқуқий масалалар ва фонд ташкил этиш харажатларини қоплаш учун ишлатилган. Ҳукумат маблағларни Украинага йўналтириш бўйича қатъий позицияни ушлаб турибди, лекин музокаралар мураккаблиги сабабли жараён чўзилиб кетган. Айрим экспертлар ва хайрия ташкилотлари бу маблағларнинг ҳануз ишлатилмаётганидан ташвиш билдирмоқда.

 

Буюк Британия ҳукумати келгуси ойларда бу масалада янада қатъий чоралар кўришни режалаштирмоқда, бироқ ҳозирча аниқ ечим йўқ. Бу баҳс Абрамович ва Британия ҳукумати ўртасидаги муносабатларни янада кескинлаштирмоқда.