«Челси» ҳимоячи Тиаго Силвани жамоанинг 2022/2023 йилги мавсумдаги энг яхши футболчиси деб топилди. Бу ҳақда клуб расмий сайти хабар берди.
Жорий мавсумда бразилиялик ҳимоячи «Челси» сафида барча мусобақаларда 35 та ўйинда майдонга тушиб, 2 та голли узатмани амалга оширди. Трансфермаркт интернет порталига кўра, футболчининг тахминий нархи 2,5 миллион еврони ташкил қилади.
Февраль ойида 38 ёшли футболчи «кўклар» билан шартномасини 2023/2024 йилги мавсум охиригача узайтирди. Бироқ, Тиаго Силва ўз интервьюсида футболчилик фаолиятини «Флуминенсе» клубида якунламоқчи эканлигини айтди.