Дмитрий Кулеба: Бизга ҳамон қурол етишмаяпти
У Ғарбдан ҳарбий ёрдамни тезроқ етказиб беришни сўраган.
Украина ташқи ишлар вазири Дмитрий Кулеба Киевга ҳамон қурол етишмаётганини маълум қилди. У ҳамкор давлатлардан етказиб беришни тезлаштиришни сўраган.
“Украинада барча зарур қуроллар бор дейишга ҳали эрта”, – деб ёзган дипломат Twitter саҳифасида. У иттифоқчилардан реатив тизимлар, узоққа отадиган артиллерия ва зирҳли машиналар етказиб беришни кўпайтиришни сўраган.
Бундан олдин Украина президенти Владимир Зеленский Давос иқтисодий форумида украиналиклар Россия армиясига нисбатан 20 баравар кам техникага эгалигини айтганди.
Аввалроқ Украина мудофаа вазири 1 миллионлик армия тузилишини маълум қилганди.
