1. Бош саҳифа
  2.  / 
  3. Дунё / 
  4. Душанбеда Марказий Осиёдаги энг катта масжидлардан бири очилди

02:57 / 10.06.2023

826

Душанбеда Марказий Осиёдаги энг катта масжидлардан бири очилди

Душанбеда Марказий Осиёдаги энг катта масжидлардан бири очилди

Масжиднинг очилиш маросимида Тожикистон президенти Имомали Раҳмон ва Қатар амири шайх Тамим ибн Ҳамад Ол Соний иштирок этди.

 

8 июнь куни Душанбе шаҳрида «Имом Аъзам» номидаги жомеъ масжиди очилди.

 

Тантанали маросимда Тожикистон президенти Имомали Раҳмон ва Қатар амири шайх Тамим ибн Ҳамад Ол Соний иштирок этди. Масжид лойиҳасини ишлаб чиқишда Қатар давлати мутахассислари ҳам иштирок этган эди.

 

Имомали Раҳмон Қатар амирига тожик миллий меъморчилиги дурдонасини барпо этишга қўшган ҳиссаси учун миннатдорлик билдириб, лойиҳанинг амалга оширилишини икки давлат ҳамкорлигининг энг юксак намунаси деб атади.

 

Бу Марказий Осиёдаги энг катта масжидлардан бири бўлди. У 12 гектар майдонда қурилган, бино уч гектар майдонда жойлашган ва учта катта дарвозага эга. У бир вақтнинг ўзида 133 минг намозхонни сиғдира олади, шундан 43 минг намозхон масжид ичида, қолгани эса унинг атрофида бўлади.

 

Масжид ичида олтита кенг синфхона, меҳмонларни қабул қилиш ва мажлислар зали, иккита кутубхона, тўққизта ўқув хонаси, учта меҳмонхона ва техник хона мавжуд. Масжидни безашга 6630 куб метр кошин ва 2800 куб метр қора мармардан фойдаланилган.

Боғланиш учун

+998 (71) 207-21-28

Электрон манзил:

info@zamon.uz

Шаҳодатнома

№1346 Берилган сана: 28.05.2020

Асосчиси

ООО Master Media Production and Broadcast

Таҳририят манзили

Tошкент ш., Амир Темур шоҳ кўчаси, 53 уй

Яндекс.Метрика