ШҲТнинг 16-17 сентябрь кунлари Душанбедаги саммитида Эронни ташкилотга қабул қилиш жараёни бошланади. Шундан кейин аъзолар сони тўққизтага етади. Лекин Теҳрон ШҲТга тўлақонли аъзо бўлиши учун маълум вақт талаб этилади.
Эрон 2005 йилда ташкилотга кузатувчи мақомида кирган. 2008 йилда эса тўлақонли аъзо бўлиш мақсадида ариза топширган. Аммо БМТ хавфсизлик кенгаши санкциялари туфайли у 2015 йилга қадар ШҲТ аъзоси бўла олмаган. 2015 йилга келиб чекловлар олиб ташлангандан кейин ҳам баъзи омиллар туфайли ташкилотга кира олмаганди.
ШҲТ Марказий Осиё ва Жанубий Осиё минтақаси мамлакатлари, Россия ҳамда Хитойни бирлаштирган ҳалқаро ташкилот. Унга 1996 йилда асос солинган. Ўзбекистон 2001 йилда аъзо бўлган.
Аввалроқ Ўзбекистон Республикаси Президенти Шавкат Мирзиёев 8 сентябрь куни Тожикистон Президенти Эмомали Раҳмон билан телефон мулоқотида яқинлашаётган ШҲТ саммитига тайёргарлик масаласини муҳокама қилди.
Жаҳонгир Қўзиев