Украинадаги вазият ортидан НАТО шарқий қаноти кучайтирилиши керак. Бу ҳақда Эстония бош вазири Кая Каллас маълум қилди.
“Украинадаги воқеалар НАТО шарқида кучли ҳарбий иштирок шартлигини кўрсатди. Бунинг учун альянс тийиб туришдан мудофаа ҳолатига ўтиши керак. Кучли мудофаа ўз навбатида тийиб туришнинг энг яхши йўли ҳисобланади. Бу НАТО иттифоқчиларига ҳужум қилишга имкон қолдирмайди”, – деган у.
Бош вазирнинг қўшимча қилишича, июнь охирида бўлиб ўтадиган НАТОнинг Мадриддаги саммитига Болтиқбўйи давлатлари ягона позиция билан боради.
Аввалроқ Япония бош вазири НАТО саммитида иштирок этиши тўғрисида хабар берилганди.