Фарғонада сув таъминоти ходимлари калтакланди
Ҳозирда терговга қадар текширув ўтказилмоқда.
Ижтимоий тармоқларда Фарғона вилоятида сув таъминоти ходимини фуқаро калтаклагани ҳақида хабарлар тарқалди.
Маълум қилинишича, 15 август куни “Фарғона сув таъминот” АЖ ишчиси С.М. ҳамкасби Б.А. билан Фарғона тумани “Вазиё” маҳалласига хизмат юзасидан борган. У ерда ўзаро келишмовчилик туфайли фуқаро Н.Р. билан жанжал келиб чиққан. Оқибатда Н.Р. ходимлар С.М. ва Б.А.ларга тан жароҳати етказган.
“Ҳозирда мазкур ҳолат юзасидан жабрланувчилар олган тан жароҳатлари даражасини аниқлаш бўйича суд-тиббий экспертизаси тайинланиб, терговга қадар текширув ҳаракатлари олиб борилмоқда”, дейилади хабарда.
