Франциянинг Марсел шаҳридаги барча бассейнлар ташриф буюрувчилар учун бепул бўлади. Бундай қарор шаҳар ҳокимияти томонидан аномал иссиқлик фонида қабул қилинган.
Метеорологларнинг фикрича, Франция ғайритабиий иссиқлик билан тўқнаш келган – якшанба куни айрим ҳудудларда ҳаво ҳарорати Цельсий бўйича +40 даражадан ошиши мумкин. Республика ҳудудининг ярмида об-ҳаво хавфлилигининг “тўқ сариқ” даражаси эълон қилинди, қурғоқчилик ва ер ости сувларининг камайиши хавфи туфайли 101 та департаментдан 78 тасида сувдан фойдаланишга чекловлар жорий этилди.
Аввалроқ Истанбулда ҳам жазирама ҳукм сураётгани хабар қилинганди. Ўтган куни Туркия пойтахтида янги ҳарорат рекорди қайд этилди +49,5 даража, қурғоқчилик туфайли сув ҳавзаларини тўлдириш даражаси учдан бирга камайди.