Футбол мухлисларига ўйинни стадионда томоша қилишларига рухсат берилди
Республика махсус комиссиясининг навбатдаги мажлисида маданий-кўнгилочар, оммавий тадбирлар ва йиғилишларни ўтказиш тартибларига ўзгартириш киритилди.
Хусусан, 2021 йил 20 сентябрдан бошлаб, мамлакатимизда спорт мусобақаларини очиқ майдонлар ҳамда ёпиқ мажмуаларда ўтказишга ҳам рухсат берилди.
Шундан келиб чиқиб, мухлисларнинг футбол учрашувларини карантин қоидаларига қатъий риоя этган ҳолда стадионга кириб томоша қилишлари мумкин бўлади.
Бунда стадионларга кириш жойларида мухлисларнинг тана ҳарорати ўлчанади ва коронавирусга қарши эмланганлик тўғрисидаги сертификат талаб этилади. Ишқибозлар мусобақа давомида тиббий ниқоб таққан ҳолда ижтимоий масофа сақлашлари ва санитария-гигиена қоидаларига риоя этишлари шарт.
Мақсаджон Обиджонов
