Гвардиола АПЛда энг зўр мураббий деб топилди
Унинг жамоаси жорий мавсумда мамлакат чемпионлигини қўлга киритди.
«Манчестер Сити» бош мураббийи Пеп Гвардиола АПЛда мавсумнинг энг яхши мураббийи совринини қўлга киритди. Бу ҳақда клуб расмий сайти хабар берди.
Гвардиола қўл остида «Манчестер Сити» сўнгги учта ўйинда АПЛ чемпионлигини қўлга киритди ва мавсумни иккинчи ўриндаги «Арсенал»дан 5 очко олдинда якунлади. Жорий мавсумда 38 та ўйинда жамоа 28 та ғалаба қозониб, 94 та гол урди, бу Европа топ лигаларидаги барча жамоаларникидан кўп ҳисобланади.
«Йил мураббийи деб топилишимда иштирок этган барчага миннатдорчилик билдираман. Аввало, мен буни номзодларим билан баҳам кўрмоқчиман. Уларнинг барчаси жорий мавсумда ажойиб иш қилишди. Одатда бу кубок сиз қанчалик яхши мураббий эканлигингиз учун эмас, балки ғалаба қозонганингиз учун берилади. Мен ҳам барча футболчиларга жорий мавсумда кўрсатган ажойиб ўйинлари учун миннатдорчилик билдирмоқчиман», - деди Гвардиола.
