«Eagle FC» лигаси президенти Шамил Завуров Ҳабиб Нурмагомедов 22 октябрь куни Абу-Дабида бўлиб ўтадиган UFС 294 турнирида Ислом Махачев ва Чарлз Оливейра ўртасидаги жангда иштирок этишини айтди.
«Ҳабиб доим Исломнинг ёнида бўлади. У ўзининг керакли маслаҳатларини беради. Биз ҳаммамиз Исломни қўллаб-қувватлаймиз», —
деди Завуров.
Эслатиб ўтамиз, Махачев ва Оливейра ўртасидаги биринчи жанг 2022 йил октябрь ойида бўлиб ўтган ва жанг иккинчи раундда россиялик спортчининг ғалабаси билан якунланган эди. Февраль ойида UFС 284 да Махачев ўзининг биринчи ҳимоясини ўтказиб, енгил вазн тоифасида амалдаги чемпион австралиялик Алекс Волкановскини ҳам мағлуб этганди.