Тошкент вилоятида "Ласетти" русумли автотранспорт воситаси текширилганда унинг юкхонасида ёввойи турдаги ноқонуний овланган ҳайвонлар борлиги аниқланди.
Тошкент вилояти Экология, атроф-муҳитни муҳофаза қилиш ва иқлим ўзгариши бошқармаси инспекторлари ва ҳуқуқни муҳофаза қилиш органлари томонидан ўтказилган рейд давомида "Ласетти" русумли автотранспорт воситаси кўздан кечирилганда машина юкхонасида ноқонуний овланган ёввойи турдаги 2 бош бўрсиқ, 1 бош ўрдак, 4 бош қирғовул ҳайвонлари борлиги маълум бўлди.
Ҳуқуқбузар билан тушунтириш ишлари ўтказилганда Тошкент вилояти Оққўрғон тумани “Ҳамзаобод“ МФЙ Марказий кўчасида истиқомат қилувчи фуқаро Д.A. эканлиги ва ов қилиш учун рухсатномасига эга эмаслиги аниқланди.
Ҳозирда ҳолат бўйича МЖтКнинг 90-моддаси 3-қисми билан маъмурий баённома расмийлаштирилиб, ушбу ҳолат бўйича керакли ҳужжатларларни суд органларига юбориш чоралари кўрилмоқда.