Илон Маск қизининг исмини ўзгартирди
Янги исм битта ҳарфдан иборат.
Илон Маскнинг бир ёшли қизига янги исм берилди. Афтидан, қизчага туғилганида берилган Экза Дарк Сайдириэль номи ота-онасига жуда узун туюлган шекилли, бу сафар улар битта ҳарфдан иборат исм танлашди.
Энди улар қизга Y деб атайди. Инглиз алифбосидаги бу ҳарф товушдан ташқари “Нега?” деган маънони ҳам беради.
Бу ҳақда қизнинг онаси эълон қилди ва ҳукумат янги исмни қайд этишдан бош тортаётганидан ҳам шикоят қилиб қўйди.
Янги исм тарихи ҳам антиқа. Гап шундаки, қизчанинг 3 қисмдан иборат олдинги исмини эшитганлар “нега?” деган саволни берган. Креатив ота-она эса буни исмга айлантириб олди.
