Жаҳон банки Украинага 500 миллион доллар ажратди
Маблағлар инфратузилмани қайта тиклашга йўналтирилади.
Жаҳон банки Россиянинг кенг кўламли босқинидан келиб чиққан фавқулодда эҳтиёжларни молиялаштириш учун Украинага қўшимча 500 миллион доллар ажратилишини эълон қилди. Бу ҳақда «Reuters» ёзмоқда.
“Россиянинг ҳарбий ҳаракатлари Украина инфратузилмасини, жумладан, сув, канализация ва электр тармоқларини кенг миқёсда вайрон қилишда давом этмоқда, қиш яқинлашар экан, бу муаммолар Украина халқини янада хавф остига қўяди”, — деди Жаҳон банки гуруҳи президенти Девид Малпасс.
Хабар қилинишича, молиялаштиришнинг янги босқичи асосий давлат хизматларини қўллаб-қувватлаш учун сарфланади.
Жаҳон банки Украинани фавқулодда молиялаштириш учун 13 миллиард доллар ажратди, шундан 11,4 миллиард доллар ҳозиргача тўлиқ тўланган.
