Джастин Бибернинг концерти отишма билан тугади
4 киши яраланиб, касалхонага ётқизилган.
Голливудда Джастин Бибернинг концерти отишма билан якунланди. Натижада тўрт киши жароҳат олди.
Хабарларга кўра, номаълум шахс кўчада 10 марта ўқ узган. Жароҳатланганлар шифохонага етказилган. Ҳозирда полиция ҳужумчини қидирмоқда ва отишма сабабларини аниқламоқда.
Унинг концертида кўплаб машҳурлар, жумладан Дрейк, Хло Кардашиан, Кендалл Женнер, Тобей Магуайр, Леонардо Ди Каприо ва бошқалар иштирок этишган.
Аввалроқ АҚШнинг Баффало шаҳридаги ўрта мактабда юзага келган отишма натижасида икки киши жабрланганди.
