Жо Байден Шавкат Мирзиёевни АҚШга таклиф қилди
Қўшма штатлар президенти Шавкат Мирзиёевга мактуб йўллади.
АҚШ президенти Жо Байден Шавкат Мирзиёевни Нью-Йоркка таклиф қилди.
Forbes нашрининг ёзишича, Байден 11 август куни Шавкат Мирзиёевга йўллаган мактубида Ўзбекистон раҳбарини Нью-Йоркда бўлиб ўтадиган БМТ бош ассамблеяси доирасида Марказий Осиё ва АҚШ давлат раҳбарларининг (C5+1) саммитига таклиф қилган.
«Умид қиламанки, сиз мен ва бошқа етакчилар билан сентябрь ойида бўлиб ўтадиган расмий С5+1 учрашувда (соҳаларда) умумий мақсадларимизга эришиш борасида биргаликда ишлашни давом эттиришни муҳокама қиламиз», — дейилади мактубда.
Ҳозирча Шавкат Мирзиёевнинг океан ортига сафар қилиши номаълум. Нашрнинг таъкидлашича, мактуб Байден маъмуриятининг Ўзбекистон ва минтақага эътибори ортиб бораётганини самимий ифодалайди.
