Айнан оддий одамлар мамлакатдаги социалистик қурилишнинг белгилаб беришини таъкидлаб, Ким амалдорларни халққа "худога хизмат қилгандек" хизмат қилишга чақирди.
"Амалдорлар ўз ҳаракатлари билан одамлар манфаатларига зарар етказмаётганини ва ноқулайлик туғдирмаётганини доимо ўйлаши керак", — деган Шимолий Корея етакчиси.
Ким Чен Ин партиянинг январда тасдиқланган беш йиллик режасини қатъий амалга оширишга тайёрлигини алоҳида қайд этган. Энг муҳими – фуқароларни озиқ-овқат ва уй-жой билан таъминлаш зарурлиги таъкидланди.
Эътиборлиси, Шимолий Корея раҳбари ўз нутқи давомида илк бор Жанубий Корея ва АҚШ билан муносабатларга тўхталмади.
Бундан аввал Жанубий Корея ва КХДР ўртасидаги алоқа тизими 55 кунлик танаффусдан сўнг тиклангани ҳамда КХДР Жанубий Корея билан муносабатларни тиклашга тайёрлиги хабар қилинганди.
Жаҳонгир Қўзиев