Конгода кема ҳалокатга учради
Конгода қўлбола ясалган кема дарёда ҳалокатга учради. Бунинг оқибатида 51 киши ҳалок бўлди, 69 киши бедарак йўқолган. Бу ҳақда France 24 телеканали маълум қилди.
Конго Демократик Республикаси Монгала провинцияси губернатори матбуот котиби Нестор Магбадонинг сўзларига кўра, йўқолганлар сони қайиқнинг сиғимига қараб баҳоланган. Кема бир-бирига боғлаб қўйилган тўққизта ёғоч канолардан иборат эди.
Магбадонинг айтишича, 39 киши тирик қолган. Қидирув ва қутқарув ишлари давом этмоқда.
Фалокат сабаби тунда об-ҳавонинг ёмонлашгани бўлиши мумкин. Вилоят ҳокимияти уч кунлик мотам эълон қилди.
Бир неча кун олдин Конгода 11 киши Танганйика кўлида қайиқ ағдарилиши оқибатида чўкиб кетган эди. 62 киши қирғоққа чиқишга муваффақ бўлган.
Бундан аввал Татаристонда самолёт қулаши оқибатида 16 киши ҳалок бўлгани тўғрисида хабар қилинган эди.
