Кроос ва Модрич Гулерни кўндиришди
Футболчи «Реал Мадрид»га ўтади.
«Реал Мадрид» ярим ҳимоячилари Тони Кроос ва Лука Модрич Мадрид клубига Фенербахченинг 18 ёшли футболчиси Арда Гулер билан шартнома имзолашда ёрдам беришди.
Журналист Волкан Демирнинг ёзишича, Кроос ва Модрич туркиялик футболчи билан тўғридан-тўғри боғланган ва «Реал Мадрид»нинг юлдуз ярим ҳимоячилари билан суҳбатлашгандан сўнг, Гулер ниҳоят «қаймоқранглилар» таклифини қабул қилишга қарор қилган.
Футболчи «Фенербахче» таркибида 51 ўйинда 9 та гол урган ва 12 та голли узатмани амалга оширган. Туркия терма жамоаси сафида ҳам тўртта ўйинда иштирок этган. Ярим ҳимоячининг «Фенербахче» билан шартномаси 2025 йилнинг ёзига қадар амал қилади. Трансфермаркт футболчини 15 миллион еврога баҳоламоқда.
