Латвия маст ҳайдовчилардан тортиб олинган 300 га яқин автомобилни Украинага берди
"Ҳадя"нинг умумий қиймати 900 минг евродан ортиқ.
Бу йил латвиялик маст ҳайдовчилардан мусодара қилинган умумий қиймати 900 минг евродан ортиқ бўлган 271 та автoмобил Украинага берилди.
Латвия Сейми (парламент) яна 34 та машинани Украинага топширишга тайёрланмоқда, уларнинг умумий қиймати 161 880 еврога баҳоланмоқда.
Эслатиб ўтамиз, 16 феврал куни Латвияда давлат томонидан мусодара қилинган автоуловларни Киевга текинга топширишга рухсат берувчи қонун қабул қилинган эди.
