Лавров Сербияга учиб бора олмади
Қатор давлатлар Россия ташқи ишлар вазири самолётини ўз ҳудудидан ўтишига рухсат бермаган.
Сергей Лавров ўтирган самолёт Сербияга учиб бора олмади. Бунга Сербия билан чегарадош давлатларнинг ҳаво чегараларини ёпиб олиши сабаб бўлган.
Россия ташқи ишлар вазирлиги расмий вакили Мария Захарованинг сўзларига кўра, РФ делегацияси Белградда музокара ўтказиши керак бўлган. аммо Сербия атрофидаги давлатлар Россия ташқи ишлар вазири самолётини ўз ҳудудидан учиб ўтишига рухсат бермаган.
Сербия ОАВларининг маълумотига кўра, Болгария, Шимолий Македония ва Черногория Лавров самолёти учун ўз осмонини ёпиб қўйган.
Сербия президенти Александр Вучич бугун ушбу ҳодиса юзасидан баёнот бериши кутилмоқда.
Аввалроқ Сергей Лавров Жозеп Боррелни ўғриликда айблаганди.
