30 ёшли инглиз ярим ҳимоячиси Жесси Лингард Саудия Арабистонининг «Ал-Иттифоқ» клубида бир ой давомида машғулот ўтказади. Бу ҳақда клуб матбуот хизмати хабар берди.
Эслатиб ўтамиз, футболчи эркин агент мақомида. Англиялик ярим ҳимоячи билан шартнома имзолаш масаласида «Ал-Иттифоқ» бош мураббийи Стивен Жеррарднинг қарори ҳаммасини ҳал қилади.
Ёзда Лингард Лондоннинг «Вест Хем» жамоасида машғулот ўтказди, спортчи 2021 йилнинг январь ойидан майгача ўйнади. У сўнгги мавсумни «Ноттингем Форест» клуби аъзоси сифатида ўтказди ва у ерда 20 ўйинда иккита гол урди ва иккита голли узатмани амалга оширди.