Литва ҳукумати ноқонуний муҳожирларга 300 евро бир марталик нафақа беради
Осиё ва Африка мамлакатларидан Беларусь орқали Литвага кириб, ватанига қайтишга рози бўлган ноқонуний муҳожирлар Литва ҳукуматидан 300 евро олади.
"Аэропортда, самолётга чиқишдан олдин, уларнинг ҳар бирига 300 евро миқдорида бир марталик нафақа берилади. Ноқонуний мигрант бу тўловдан фақат бир марта фойдалана олади", деди Литва ИИВ миграция бўлими бошлиғи Эвелина Гудзинскайте.
Унинг қўшимча қилишича, агар муҳожир Литвага яна келса, у нафақа олиш учун иккинчи марта ариза бера олмайди.
Ушбу қарор фонида 300га яқин ноқонуний муҳожирлар ўз ватанларига қайтиш истагини билдирди. Улар Ироқ фуқаролари экани хабар қилинмоқда.
Йил бошидан бери Литва-Беларусь чегарасида тўрт мингдан зиёд ноқонуний муҳожир ушланди. Бу 2020 йилга нисбатан 50 баробар кўп.
Литвада Беларусдан келаётган миграция оқими муносабати билан фавқулодда ҳолат эълон қилинган.
