Ливияда фаолият юритаётган қуролли гуруҳлардан бири 15-декабрдан 16-декабрга ўтар кечаси Триполи бош вазир Абдел Ҳамид Дбейбанинг қароргоҳини тўсиб қўйди.
Вазирнинг сўзларига кўра, пойтахтда содир бўлаётган воқеалар ортида Мисурата (пойтахтдан 200 км шарқда) полицияси турган бўлиши мумкин.
Ушбу полиция бўлимига Бош миллий конгресс (собиқ муваққат парламент) собиқ депутати Салоҳ Бади қўмондонлик қилмоқда.
У аллақачон мамлакатда “ҳеч қандай президентлик сайловлари ўтказилмаслигини” эълон қилган (24 декабрга режалаштирилган) ва Триполидаги барча ҳукумат идораларини ёпишга қатыий киришган.
Хабарга кўра, президентлик кенгаши раҳбари Муҳаммад ал-Менфи ва бошқа кенгаш аъзолари хавфсиз жойга етказилган.
Маълумот ўрнида: пойтахтнинг катта қисмида электр таъминоти узилиб қолган. Ғарбий минтақанинг барча қуролли тузилмалари, асосан Триполи атрофида шай ҳолатга келтирилгани ҳақида хабарлар мавжуд. Шунингдек, Триполи чеккасида ҳарбий техникага эга турли гуруҳларнинг жангари тўдалари ҳам йиғилмоқда.
Эслатиб ўтамиз, аввалроқ Ливанда Аккар тумани Тлайл шаҳридаги ёқилғи резервуарининг портлаши оқибатида ҳалок бўлганлар хотирасига мотам куни эълон қилингани ҳамда Байрут порти портлаши бўйича тергов иши тўхтатиб қўйилгани ҳақида хабар берилганди.
Чўлпоной Аҳмедова