Лондон Киевга лазерда нишонга оладиган ракета берди
Унинг ҳар бир донаси 175 минг фунт-стерлинг туради.
Буюк Британия Украинага юқори аниқликдаги Brimstone 2 ракеталарини етказиб берди. Бу ҳақда The Daily Telegraph хабар берди.
Лазер мўлжалга олиш тизими билан кучайтирилган ракеталар одатда қирувчи самолётлардан учирилади, аммо у Украина қуролли кучлари томонидан юк машиналарига ўрнатилган кўчма тизимларга жойлаштирилади. 2016 йилда бу турдаги ракеталарнинг донаси 175 минг фунт-стерлингга тенг бўлган. Самолётдан учирилганда у 60 км масофага учиб боради, аммо ердан туриб учирилганда бу кўрсаткич 12 кмни ташкил этади.
Лондон баҳорда Киевга Brimstone'нинг эски вариантларини етказиб берган эди.
