Лукашенко президент бўлиб қолишида ўз тарафдорларини айблади
Шу билан бирга у давлат раҳбари бўлишдан чарчаганини айтган.
Александр Лукашенко президент бўлишдан чарчаганини маълум қилди. Шу билан бирга у ўз тарафдорлари босими остида лавозимида қолаётганини айтган.
“Тасаввур қиляпсизми, биринчи навбатда сиз тарафдан жуда кучли босим остидаман. Сизларга панд беришдан қўрқаман. Фикримча, айнан сиз баррикадаларда туриб мени қўллаб-қувватлайсиз, мендан қандайдир идол ясаб оласиз ва ҳоказо. Мен эса сизларни, давлат хизатчиларига панд берсам... Буни қай даражада масъулиятли иш эканини тасаввур қилолмайсиз”, – деган Лукашенко.
Бундан ташқари, президент унинг ўрнига келган шахслар ҳокимиятни ушлаб қолишига кафолат йўқлигини, шундан кейин мамлакатда беқарорлик бошланишини, шунингдек, ўз фарзандларидан хавотирда эканини таъкидлаган.
