“Марсга Америка байроғини ўрнатамиз”

— “Зеленскийдан муҳим мактуб олдим. Унда Украина тинчлик музокараларига имкон қадар тезроқ ўтиришга тайёр экани ёзилган. Бу яхши иш бўлди. Аммо ҳозирча у билан яна қачон гаплашишимни билмайман”.

 

— “Мен Украинадаги қонли урушни тугатиш учун тинимсиз ҳаракат қилмоқдаман”.

 

— “Гренландия бизга керак ва қандай бўлмасин, биз уни оламиз. Сизнинг хавфсизлигингизни таъминлаймиз. Сизни бой қиламиз. Биргаликда Гренландияни илгари хаёлга ҳам келтирилмаган юксакликка кўтарамиз”.

 

— “Байден туфайли тухум нархи рекорд даражага чиқди”.

 

— “2 апрелдан бошлаб Хитой, Ҳиндистон ва Европа Иттифоқи АҚШдан бож олишга қандай тайёр турса, биз ҳам уларга худди шундай бож соламиз”.

 

— “Марсга Америка байроғини ўрнатамиз! Американинг олтин даври энди бошланмоқда! Бу ҳали оламшумул воқелик бўлади!”

 

— “Американи яна бой қиламиз. Канада, Мексика ва Хитойга қарши бошланган тариф уруши натижасида компаниялар АҚШда кўпроқ маҳсулот ишлаб чиқаради, янги иш ўринлари яратилади”.

 

— “АҚШда полициячиларни ўлдирганлар учун ўлим жазоси жорий этилади”.

 

— “Американи яна буюк қилиш учун Яратган томонидан (суиқасддан сўнг) қутқарилдим. Мен бунга аминман!”

 

— “Америка анъанавий оилавий қадриятларни тиклайди. ЛГБТ тарғиботини мактаблардан, армиядан ва бутун жамиятимиздан чиқариб ташлаймиз”.