Махсус "Сall-марказ" ишга туширилди — ССВ
Мурожаатларнинг аксарияти президентга тўғридан-тўғри етказилади.
"Бу мурожаатларнинг аксарияти "Сall-марказ"га бириктирилган мутасаддилар томонидан ҳал қилинса, бир қисми олимлар, шифокорлар, фармацевтлар, ҳамширалар ва тизим ходимлари билан бўладиган очиқ мулоқотда Ўзбекистон Республикаси президентига тўғридан-тўғри етказилади".
Мазкур "Сall-марказ"нинг #1295 рақамлари Янги Ўзбекистон соғлиқни сақлаш тизимининг бугуни ва эртасига бефарқ бўлмаган тиббиёт ходимларининг фаолиятлари билан боғлиқ масалалар, тизимдаги муаммолар ва соҳани янада ривожлантиришга туртки берадиган ғоя ва таклифлари учун ишлашни бошлади.
Маълумот учун: Cоғлиқни сақлаш вазирлиги юртимизда тиббиёт соҳасини янада ривожлантириш, мавжуд муаммо ва камчиликларни ижобий ҳал қилиш мақсадида ушбу марказни ишга туширди.
Эслатиб ўтамиз, аввалроқ қисқа рақамли 1003 "Call-маркази"га сўнгги ўн кунда қарийб 13 900 та мурожаат келиб тушгани, Тошкентда “Тез ёрдам” хизматига бир кунда ўртача 4700 та чақирув келиб тушаётгани ҳамда мураккаб операциялар нархи Ўзбекистонда 10 баробар арзонлиги ҳақида хабар берилганди.
