Президент ҳузуридаги Статистика агентлиги маълумотларига кўра, 2023 йилнинг май ойида истеъмол секторидаги озиқ-овқат маҳсулотлари, ноозиқ-овқат товарлари ва аҳолига пуллик хизматлар кўрсатиш нархлари ўртача 0,5 фоизга ошган.
Қайд этилишича, истеъмол секторидаги нархларнинг йиллик ўсиш даражаси 10,4 фоизга етган бўлса, йил бошидан буён истеъмол секторидаги нархлар индекси ўртача 3,8 фоизга ўсган.
Истеъмол нархлари индексининг ўртача ойлик ўсиш суръати 2023-йилнинг январ-май ойларида 0,7 фоизни ташкил этди. Йиллик нисбатда эса озиқ-овқат ва ноозиқ-овқатлар нархларида ўсиш мос равишда 13 фоиз ва 8,4 фоизни ташкил этди.