Воқеа 27 ноябрь куни Мехико шаҳрининг Хохинго трассасида содир бўлган.
Штат соғлиқни сақлаш департаментининг баёнотига кўра, автобус тормози ишламай қолгани сабабли мувозанатни йўқотиб бинога бориб урилган. Оқибатда 19 киши ҳалок бўлган, 32 киши жароҳатланган . Бу ҳақда ABC News хабарига асосланиб Интерфакс маълум қилди.
Соғлиқни сақлаш вазирлиги қурбонлар орасида бир неча аёллар ва болалар ҳам борлиги ҳақида хабар берган.
Маълум бўлишича автобус «Turismo Tejeda» сайёҳлик компаниясига тегишли бўлиб, Саҳуайо (Мичоакан штати) муниципалитетидан христианлар зиёратгоҳи бўлган Сантуарио дел Сенор де Чалмага кетаётган бўлган.
Аввалроқ, Антальяда автобус ағдарилгани ва уч нафар Россия фуқароси вафот этгани ҳамда Покистонда содир бўлган ЙТҲда 30 киши ҳалок бўлгани ҳақида хабар берилганди.
Муножат Валиева