«Мокко» тўфони дунёдаги энг йирик қочқинлар лагерига яқинлашди

 

Кеча Бангладеш шарқи ва Мьянма қирғоғида кучли бўрон турди. Шу боис минтақада юқори даражали огоҳлантириш эълон қилинди.

 

Маълумки, Мянмадан келган юз минглаб рохинжа қочқинлари яшайдиган дунёдаги энг йирик қочқинлар лагери — Кокс-Базар айнан Бангладешда жойлашган. Мамлакат метеорология хизмати «Мокко» циклони туфайли шу лагерь атрофида жиддий хавф юзага келиши мумкинлигидан огоҳлантирди.  

 

Довул Бангладеш томон соатига 160 километр тезликда ҳаракатланмоқда.

 

Ҳарбий-денгиз кучлари 21 кема, денгиз патруль самолёти ва вертолёт қидирув-қутқарув ишларига тайёрлигини билдирди.

 

Расмийлар бўрон сабаб бўлган кучли ёмғир Чаттограм, Кокс-Базар ва шу атрофдаги ҳудудларда кўчки пайдо қилиши мумкинлигидан огоҳлантирди.

 

Бангладешда фаолият юритаётган БМТ масъуллари ва гуманитар ташкилотлар Кокс-Базардаги лагерга бир неча тонна озиқ-овқат жўнатган. Ҳудудда табиий офат юз берган тақдирда фавқулодда вазият бригадалари ва автомашиналар ишга тайёр.

 

Бангладеш ва Мянмада содир бўлган «Моча» тўфони туфайли юз минглаб одамларни қирғоқ бўйи ҳудудидан эвакуация қилиниши режалаштирилган.