Муштарак ниятлар ниҳоли экилди
Ўзбекистон Президенти Шавкат Мирзиёев ва Туркия Президенти Режаб Тоййиб Эрдоған Кўксарой қароргоҳидаги Фахрий меҳмонлар хиёбонига кўчат ўтқазди.
Бу ҳақда президент матбуот хизмати хабар бермоқда.
Бу йил Ўзбекистон билан Туркия ўртасида дипломатик алоқалар йўлга қўйилганига 30 йил, Стратегик шериклик муносабатлари ўрнатилганига 5 йил тўлгани учун, ушбу ниҳол ҳамкорлик ривожида янги давр бошланаётгани, муштарак эзгу ниятларнинг рамзи бўлганлиги айтилди.
Қайд этиш жоиз, мазкур хиёбонда бошқа ҳамкор давлатлар раҳбарлари эккан дарахтлар ҳам бор.
Эслатиб ўтамиз, аввалроқ икки давлат раҳбарлари ўртасида олий даражадаги стратегик ҳамкорлик кенгашининг иккинчи йиғилиши якунлари бўйича оммавий ахборот воситалари вакиллари учун брифинг ўтказилган эди.
