Муссон ёмғирлари Покистонда вайронагарчиликлар келтирмоқда
Покистонда кучли ёмғирлар қурбонлар ортишига сабаб бўлди.
Покистонда сўнгги кунларда ёғаётган кучли муссон ёмғирлари ва уларнинг оқибатида юзага келган фавқулодда ҳолатлар натижасида камида 45 киши ҳалок бўлди. Бу ҳақда Geo TV телеканали маълумотларига таяниб, Oxu.Az хабар бермоқда.
Энг кўп қурбонлар — 21 киши — Хайбер-Пахтунхва провинциясида қайд этилган. Яна ўлим ҳолатлари Синд, Балужистон ва Панжоб вилоятларида ҳам аниқланган.
Кучли ёмғирлар ва бўронлар туфайли тошқин хавфи камида шанба кунигача сақланиб қолиши мумкин. Об-ҳаво ноқулайлиги заиф инфратузилмалар, электр узатиш линиялари, реклама баннерлари, транспорт воситалари ва қуёш панелларига зарар етказмоқда.
Шунингдек, тоғли ҳудудларда юзага келган кўчкилар баъзи йўлларда ҳаракатни вақтинча тўхтатган.
