1991 йилда туғилган нуроталик йигит ўз укаси билан Жанубий Корея давлатига ишлашга бормоқчи бўлиб, пойтахтдан кетишига кўмаклашувчи турли танишлар орттирган. Aммо уларнинг ҳеч қандай фойдаси тегмаган.
Шундан сўнг улар ўз ишининг хатолигини била туриб, фирибгарликка қўл урган. Оқибатда 2 нафар синфдошининг худди ўзи каби Жанубий Кореяга ишга кетмоқчи бўлганини билгач, танишлари орқали ишни тезлаштириб беришини ваъда қилган. Жабрланувчиларнинг ҳар биридан 3000 AҚШ долларидан пулларни олиб, жами 6 000 АҚШ долларини ўз эҳтиёжи учун ишлатиб юборган.
Жабрланувчиларнинг шикоятларига кўра, Нурота тумани ИИБ ҳузуридаги тергов гуруҳи томонидан Жиноят кодекси 168 моддасининг тегишли бандларига биноан жиноят иши қўзғатилган.