“ПСЖ”нинг бразилиялик ҳужумчиси Неймар жамоани тарк этишдан бош тортди. Бу ҳақда “Маrcа” нашри хабар берди.
Манбага кўра, “ПСЖ” бир нечта ўйинчилардан қутулишга тайёр. Бир мавсумда тахминан 50 миллион евро маош оладиган Неймар жамоанинг трансферларига киритилган номзодлардан бири. Бироқ футболчи клубга кетиш нияти йўқлигини айтган.
Эслатиб ўтамиз, 30 ёшли Неймар 2017 йилдан бери “ПСЖ”да ўйнаб келмоқда. У “Барселона”дан 222 миллион евро эвазига кўчиб ўтганди. Бу трансфер жаҳон футболида сарфланган маблағ бўйича рекорд бўлиб қолмоқда. Унинг парижликлар билан шартномаси 2025 йилгача мўлжалланган. Бразилиялик футболчи ўтган мавсумда Лига 1нинг 22 ўйинида 13 та гол урди ва 6 та голли узатмани амалга оширди.