Дарвозабон ўтган йилнинг декабрь ойида жароҳатланганди. "Бавария" клуби ва Германия миллий жамоаси аъзоси 2022 йил 1 декабрдан буён майдонга тушмаяпти.
Журналист Георг Ҳолснернинг хабар беришича, Мюнхен клуби шифокорлари 37 ёшли посбоннинг майдонга қайтишига рухсат беришган.
Энди қайтиш санасини жамоа бош мураббийи Томас Тухел ва Нойернинг ўзи аниқлашади. Дарвозабон 21 октябрь куни бўлиб ўтадиган "Майнс" билан ўйинда иштирок этиши эҳтимоли бор.