“Олимпиада ва коронвирус тарқалиши орасида боғлиқлик йўқ” - ХОҚ
Халқаро Олимпия Қўмитаси (ХОҚ) бугун Токиода ўтказилаётган Олимпия ўйинлари ва Японияда COVID-19 тарқалиши орасида боғлиқлик йўқлигини эълон қилди.
“Менга маълум бўлишича, спортчилар ёки олимпия ҳаракати вакилларидан Токио аҳолисига инфекция юқиши ҳолатлари бўйича бирорта ҳам далил йўқ”, - деди ХОҚ раиси Марк Адамс.
Адамснинг айтишича, 310 та топширилган тестдан 0,02 фоизида ижобий натижа қайд этилган.
“Бизнинг ҳамжамиятимизда дунёдаги бошқа ҳар қандай жойдан кўра кўпроқ тест ўтказилмоқда. Бундан ташқари, олимпия қишлоғида энг қатъий чекловлар амал қилади”, - деди у.
Олдинроқ Япония ҳукуматининг бош котиби Кацунобу Като мамлакатдаги зарарланиш ҳолатлари бўйича хавотирда эканини айтган.
Ўтган бир суткада Токиода пандемия бошидан бери энг юқори кўрсаткич – 3 177 та коронавирус ҳолати қайд этилди.
Шарофат Маҳмудова
