"Наполи" ҳужумчиси Виктор Осимҳен Италия клубини тарк этиб, фаолиятини АПЛда давом эттириши мумкин.
Журналист Жанлука Ди Марционинг ижтимоий тармоқларда ёзишича, Осимҳенга давогарлар орасида Лондоннинг "Арсенал" клуби ҳам бор. Расмий музокаралар ҳали бўлиб ўтгани йўқ, аммо "канонирлар" устози Микел Артета 25 ёшли футболчининг қобилиятини юқори баҳолади. Қайд этилишича, бундан форварднинг ўзи ҳам манфаатдор.
Эслатиб ўтамиз, жорий мавсумда Осимҳен барча турнирларда 32 та ўйинда қатнашиб, 17 та гол урди ва 4 та голли узатмага муаллифлик қилган. Футболчининг клуб билан амалдаги меҳнат шартномаси 2026 йилнинг ёзига қадар амал қилади.