ОАВ “Фармацевтика компаниясининг собиқ топ-менежери Санкт-Петербургда 9 миллион доллардан ортиқ маблағни ўзлаштириш иши доирасида қўлга олинди”, — деб хабар бермоқда.
Бошқа манбанинг ТAСС агентлигига маълум қилишича, Умаров ушбу жиноят ишида маблағларни ўзлаштириш ва талон-тарож қилиш айблови билан қидирилаётган эди. Агентлик суҳбатдошининг сўзларига кўра, Ўзбекистон ҳуқуқни муҳофаза қилиш органлари уни 9 миллион доллардан ортиқ маблағни ўзлаштиргани учун қидирмоқда. ТAСС ҳозирча бу маълумотнинг расмий тасдиғини олмаган.
“Интерфакс”нинг хабар беришича, 2015-2019 йилларда Тошкентдаги “АТМ Partners” МЧЖ бош директори лавозимида ишлаган М.Умаров жиноий гуруҳ таркибида, чет эл компанияларига тегишли думалоқ муҳрларнинг асл нусхаларини ва раҳбарларининг факсимилларини ўз қўлига олиб, 9,5 миллион доллардан ошиқ пулни ўғирлаб кетган.
Ўзбекистонда Умаровга нисбатан қамоққа олиш тарзидаги эҳтиёт чораси танланган.
P.S.: “АТМ Partners” МЧЖ сайтидаги маълумотларга кўра, компания Ўзбекистон бозорида фармацевтика маҳсулотларининг улгуржи етказиб берувчиси ҳисобланади.
Эслатиб ўтамиз, аввалроқ Юнусободда қалбаки “Ремдесивир” дори воситасини 4 700 АҚШ долларга сотаётган шахслар ушлангани, ҳамда чет элдан келган фуқаронинг юклари ичидан катта миқдорда турли хил дори воситалари аниқлангани ҳақида хабар берилганди.
Баҳринисо Мадумарова