Ўзбекистонлик талаба йигит Telegram'даги ботини 150 минг долларга сотди
Камронбек Осимжонов Тik-Тоk'да видеолардан ёзувларни олиб ташлаш имконини берувчи Telegram-bot'ни (@ttsavebot) ишлаб чиқди ва уни оммабоп қилиб россиялик харидорга 150 минг долларга пуллади.
— “Тik-Тоk’нинг “ёзув белгиси”ни ўчириш имкониятига эга ботимни устозим Акмал Пайзиев 200 минг долларга баҳолади, — дейди у. — Биз харидорлардан якуний нарх сифатида 150 минг доллар сўрадик. Бу катта сумма, шунинг учун ҳам мен устозим билан бирга харидор ва унинг юристи билан юзма-юз учрашиш, ботга эгалик ҳуқуқларини расман сотиш учун Уфага бориб келдик. Ботни 150 минг долларга сотиб, Ўзбекистонга қайтдик.
Эслатиб ўтамиз, аввалроқ "Tik-Tok" сабаб АҚШда мактаб ўқувчиси ҳалок бўлгани , 23 ёшли блогер "Tik-Tok" учун суратга тушаётганда томдан қулаб, вафот этгани ҳамда "каскадёрлар" 10 суткага қамалиши ҳақида хабарлар берилганди.
Баҳринисо Мадумарова
