Жорий йилнинг 21 июль куни соат 18.00 ларда Қўнғирот тумани «Таракли» маҳалласи ҳудудидан ўтувчи темир йўл кўприги устида Қўнғирот тумани Нурмухаммедов кўчасида яшовчи 2003 йилда туғилган К.А. исмли вояга етмаган шахс ўз жонига қасд қилмоқчи бўлган. Бу ҳақида ИИВ ҲПББ ахборот хизмати хабар берди.
Маълум бўлишича, вояга етмаган шахс ўзини кўприкдан ташламоқчи бўлаётган пайтда шу ҳудудга бириктирилган профилактика инспектори лейтенант И.Жамалов томонидан қутқариб қолинган ва психиатр иштирокида профилактик суҳбат ўтказилиб, ота-онасига топширилди.
Ҳозирги пайтда суриштирув ишлари давом этмоқда.