Польшанинг Беларусь билан чегараси яқинида суриялик эркак жасади топилди. Бу ҳақда Польша полицияси Twitter саҳифасида маълум қилган.
“Куни кеча Беларусь билан чегара яқинидаги ўрмонлардан суриялик эркакнинг жасади топилди”, – дейилади хабарда. Шу билан бирга ўлимга нима сабаб бўлганини аниқлашнинг имкони бўлмаган. Маълумотларга кўра, икки давлат ўртасидаги миграцион инқироз бошлангандан бери чегара яқинида камида беш нафар қочқиннинг жасади топилган.
Маълумот ўрнида: Сўнгги бир неча кундан буён Польша-Беларусь чегарасида қочқинлар билан вазият ниҳоятда кескинлашди. Минглаб мигрантлар Польша орқали Европа Иттифоқига киришга ҳаракат қилмоқда. Польша чегара яқинига 12 минг ҳарбий жойлаштирган.
Аввалроқ чегарадаги ҳолат бўйича Беларусь мудофаа вазири маълумот берганди. Шунингдек, Польша бош вазири Путин ва Лукашенкони "миграцион шантаж"да айблагани хабар қилинганди.
Жаҳонгир Қўзиев