Путин Сербияга газ етказиб бериш шартномасини узайтиришни таклиф қилди

Россия президенти Владивостокдаги Шарқий иқтисодий форум доирасида Сербия бош вазири ўринбосари Александр Вулин билан учрашувда шу мавзуни кўтарди. Амалдаги газ етказиб бериш шартномаси муддати 2025 йилда тугайди.

 

Владимир Путин, шунингдек, саноат ва транспорт соҳасидаги ҳамкорликни ривожлантириш истагини билдирди ва Москва Сербия президенти Александр Вучичга БРИКС давлатлари раҳбарларининг Қозондаги учрашувига таклифнома юборганини айтди.

 

Ўз навбатида, Александр Вулин Сербия "Россиянинг стратегик ҳамкори" экани ва у "Ғарб босимига қарамай" ҳеч қачон НАТОга аъзо бўлмаслигини ва Россия Федерациясига қарши ҳеч қачон санкциялар қўлламаслигини таъкидлади.