Путин Украинада урушни тугатиш шартини айтди
Киев эса буни рад этмоқда.
Россия президентининг таъкидлашича, Киев ўз қўшинларини Донецк, Луганск, Херсон ва Запороже ҳудудларидан бутунлай олиб чиқиб кетиши, шунингдек, НАТОга қўшилиш режаларидан бутунлай воз кечиши ҳақида эълон қилиши керак. Шунда Россия Украинада ўт очишни тўхтатиб, музокаралар бошлаши мумкин.
Аммо Киев Путиннинг “тинчлик таклифини” рад этди. Украина президенти девони раҳбари маслаҳатчиси Подоляк Россия президентининг можарони ҳал қилиш бўйича янги ташаббусида “ҳақиқий тинчликка эришиш таклифи йўқлигини” маълум қилди.
“Путинда ҳеч қандай тинчлик таклифи ва урушни тугатиш истаги йўқ”, — дея таъкидлади Подоляк.
