Қаршида ИИО ходимларининг қўлини тишлаб, безорилик содир этган фуқароларга нисбатан жиноят иши қўзғатилди
Қарши шаҳар “Ислом Каримов” кўчасида жойлашган “Дори-дармон» МЧЖга қарашли дорихона рўпарасида фуқаро ва ИИО ходимлари ўртасида ўзаро жанжал юзага келди.
Бу ҳақда ИИВ хабар берди.
Хабарда келтирилишича, “Шўртан” МФЙда яшовчи Х.И. ўзининг олдиндан таниши бўлган “Наво” МФЙда яшовчи Л.А. ва Ғ.Длар бир-бирини ҳақоратлаб, бақириб ён-атрофдаги фуқаролар тинчлигини бузиб, жамиятда юриш-туриш қоидаларини қасддан менсимасдан ўзаро жанжаллашишган.
Бу вақтда хизмат вазифасини ўтаётган вилоят ИИБ ППХ ходимлари фуқаролар ўртасида ўзаро жанжал содир бўлаётганини кўриб, жамоат тартибини сақлаш ҳамда олдини олиш мақсадида фуқароларни олдига борган.
Жанжал қилаётган фуқаролар Л.А., X.И. ва Ғ.Д.лар ИИБ ППХ ходимларини қонуний талабига бўйсунмасдан, уларнинг хизмат кийимини йиртиб, қўлини тишлаб фаол қаршилик кўрсатган.
Мазкур ҳолат юзасидан Жиноят кодексининг 219-моддаси 2-қисми ва 277-моддаси 3-қисми “г” банди билан жиноят иши қўзғатилиб, Л.А. X.И. ва Ғ.Д.лар гумон қилинувчи тариқасида жалб қилинди. Жиноят-процессуал кодексининг 221-моддаси тартибда ушланган.
Жиноят иши бўйича Қарши шаҳар прокуратураси томонидан дастлабки тергов ҳаракатлари олиб борилмоқда.
Эслатиб ўтамиз, аввалроқ ИИБ ходимлари фаолиятига асоссиз аралашиб, уларга қаршилик кўрсатган шахсга қонуний баҳо берилагани ҳамда Қашқадарёда профилактика инспекторининг эгнидаги хизмат кийимини йиртган фуқарога жиноят иши қўзғатилгани хақида хабар берганди.
Муножат Валиева
