Қашқадарёда шифокорлар мажбурий меҳнатга жалб қилинди
Шунингдек, улардан гул учун пул йиғилгани айтилмоқда.
Ижтимоий тармоқларда эълон қилинган мурожаатда Косон тумани тиббиёт бирлашмаси ходимлари боғда мажбуран ишлатилганлиги, улардан гул учун пул йиғилганлиги қайд этилган.
Вилоят ССБнинг хабар қилишича, ҳолат туман тиббиёт бирлашмаси ва ҳудуддаги давлат меҳнат ҳуқуқ инспекцияси мутахассислари томонидан ўрганилган.
Аниқланишича, бирлашманинг диагностика бўлими олд томонидаги ер участкасида 2022 йил 12 апрель куни мазкур бўлим бошлиғи томонидан бўлим ишчи-ходимлари ободонлаштириш ишларига жалб қилинган.
Мазкур ҳолат юзасидан бўлим бошлиғига нисбатан қонунда белгиланган тартибда чора кўрилган.
Ўрганишларда гул кўчатлари учун пул йиғилгани ҳақидаги маълумотлар тасдиқланмаган.
